Туро номард мегӯям,
Ки қисмат кард номардат.
Ба доми хеш мехонад,
Маро ҳар дам дили сардат.
Дар ин хилватгаҳи хомуш,
Ба ёдат ашк мерезам.
Зи ёдам чун барам рӯят,
Ки бо ишқат диловезам.
Ту бо ёру мани танҳо,
Магар бе ман ту хушбахтӣ?
Макун асло фаромӯшам,
Агар чун шоҳ дар тахтӣ.
Туро номард мегӯям,
Диламро чанд озурдӣ.
Дигар ин ишқ беранг аст,
Ту ин дилро чаро бурдӣ?
Подписаться на:
Комментарии к сообщению (Atom)
Комментариев нет:
Отправить комментарий